The Prototype (2022) Movie Review

Director: Marcelo Grion Writer: Stephen Brown, Marcelo Grion, Stephen Karandy (Screenplay) Starring: Mark Vasconcellos, Frank Spinelli, Michael Bertaut, Victoria De Mare Plot: A government agent stumbles upon an alien conspiracy to conquer Earth. Using a blue liquid created by the aliens to make soldiers stronger, he becomes The Prototype-the only hope for mankind. Tagline – […]

The Prototype (2022) Movie Review

90. The Boys (Season 1-2)

പ്രൈം വീഡിയോയ്ക്കായി എറിക് ക്രിപ്കെ വികസിപ്പിച്ചെടുത്ത ഒരു അമേരിക്കൻ സൂപ്പർഹീറോ സ്ട്രീമിംഗ് ടെലിവിഷൻ പരമ്പരയാണ് ‘The Boys’. ഗാർത്ത് എനിസ്, ഡാരിക്ക് റോബർ‌ട്ട്സൺ എന്നിവരുടെ അതേ പേരിലുള്ള കോമിക്ക് പുസ്‌തകത്തെ അടിസ്ഥാനമാക്കി, തങ്ങളുടെ കഴിവുകൾ ദുരുപയോഗം ചെയ്യുന്ന അതിശക്തരായ വ്യക്തികളെ നേരിടാൻ സാധാരണ ആളുകൾ അവർക്കെതിരെ പോരാടാൻ ഒരുങ്ങുന്നു. Vought ഇന്റർനാഷണൽ കമ്പനിയുടെ അസറ്റ് ആണ് 7 അംഗങ്ങൾ ഉള്ള ആ ടീം ..അമേരിക്കയെ രക്ഷിക്കാനുള്ള 7വർ സംഘം ..ഈ 7 ആൾക്കും ഓരോ പവർ ഉണ്ട്. അവരൊക്കെ ദൈവങ്ങളുടെ സന്താനം എന്നാണ് നാട്ടിൽ ഉള്ള ഓരോരുത്തരെയും vought പ്രൊമോ ചെയ്ത് വിശ്വസിപ്പിച്ചിട്ടുള്ളത് !!

No. Of Seasons : 2

No. Of Episodes : 16

ഒരു ദിവസം ഹ്യുയി അവന്റെ കാമുകി റോബിന്റെ ഒപ്പം നടക്കുന്നതിനിടയിൽ റോബിൻ പെട്ടെന്ന് അപ്രത്യക്ഷമായി വെറും ചോര തുള്ളികൾ മാത്രം ആയി പോകുന്നു അതിന് കാരണം ഈ 7വർ സംഘത്തിൽ ഒരുവനായ ATrain അതിലൂടെ സ്പീഡിൽ പോയത് കൊണ്ടാണ്. ഈ കാരണത്താൽ ഹ്യുയി 7 powersന് എതിരെ ഇറങ്ങിതിരിക്കുന്നതും ഇതേ ലക്ഷ്യത്തോടെ നടക്കുന്ന വില്ല്യം ബുച്ചർ അവനെ കൂടെ കൂട്ടുന്നതും തുടർന്ന് നടക്കുന്ന വൻ സംഭവങ്ങളാണ് പിന്നെ നമ്മൾ കാണുന്നത്. സൂപ്പർ ഹീറോസ് എല്ലാവരും നാടിനും നാട്ടുകാർക്കും തന്നെ ആപത്ത് ഉണ്ടാക്കുന്ന നെഗറ്റീവ് ഷെയ്‌ഡിൽ ഉള്ള ആളുകൾ ആകുമ്പോൾ സാധാരണ ആളുകൾ അവർക്കെതിരെ പോരാടാൻ ഒരുങ്ങുന്നു. The Boys എന്നത് ഇതുപോലുള്ള Supesന് എതിരെ പ്രതികാരമനോഭാവമായി നടക്കുന്ന കുറച്ചു ആളുകളുടെ കഥയാണ്. സീസൺ 1 അവസാനിക്കുന്നത് വലിയൊരു ഹൈ പോയിന്റിലും പുതിയൊരു Supe Terrorist നെ പരിചയപ്പെടുത്തിയും കൊണ്ടാണ്.

സീസൺ 2 ഇൽ Stormfront എന്നൊരു പുതിയ ലേഡി കൂടി വരുമ്പോൾ കഥ കൂടുതൽ വികസിക്കുന്നു. ബുച്ചറിന്റെ ഭാര്യയെ കണ്ടെത്താനുള്ള ശ്രമവും മറ്റും ആയി വളരെയധികം ഇന്ററസ്റ്റിംഗ് ആയാണ് കഥ നീങ്ങുന്നത്. ഒരുപാട് Wow ഫാക്ടറുകളും ട്വിസ്റ്റുകളും വന്നുപോകുന്നുണ്ട്. സീസൺ 2ന്റെ അവസാന എപ്പിസോഡ് വരുമ്പോൾ ഇതുവരെ കഥയിൽ വന്ന നെഗറ്റീവ് കഥാപാത്രങ്ങൾക്ക് കൃത്യമായി ലഭിക്കേണ്ട പര്യവസാനം തന്നെയാണ് കിട്ടിയിരിക്കുന്നത്. ഏറ്റവും കൂടുതൽ വെറുക്കുന്ന കഥാപാത്രത്തെ എല്ലാവരും കൂടി എടുത്തിട്ട് ചവിട്ടുന്ന സീൻ ഒക്കെ ഒരുപാട് തൃപ്തി നൽകിയതാണ്. Rapist ആയാലും Racist ആയാലും പോട്ടെ, ലോകം കണ്ട ഏറ്റവും വലിയ ഊള ആയാലും Homelander നെ വെറുക്കാൻ പറ്റുന്നില്ല. അവസാനസീനിൽ ടിയാന്റെ Frustration തീർക്കുന്ന സീൻ ഒക്കെ കണ്ടപ്പോൾ ചിരിക്കണോ അതോ സഹതപിക്കണോ എന്ന് സംശയം ആയി. സീരീസിൽ ഒരു Comedian ഇല്ലാത്ത കുറവ് Deep നികത്തുന്നുണ്ട്.

ചുരുക്കത്തിൽ, ഒരു സൂപ്പർ ഹീറോ സീരീസ് എന്നത് മാത്രമല്ലേ എന്ന് കരുതി ഒഴിച്ച് നിർത്തിയ ഒരു സീരീസ് ആയിരുന്നുയിത്.. പക്ഷെ കണ്ട് തുടങ്ങി ആദ്യ ചില സീൻസിൽ തന്നെ എത്രത്തോളം അടിപൊളി ആയിരിക്കും എന്ന് മനസിലാക്കി തരാൻ സാധിക്കുന്നുണ്ട് ആദ്യ എപ്പിസോഡിൽ തന്നെ. ആമസോണ് പ്രൈം റിലീസ് ചെയ്ത ഈ സീരീസിൽ 60മിനുട്ട് ദൈർഘ്യമുള്ള 8 എപ്പിസോഡ് ഉള്ള 2 സീസൺ ആണ് ഇതുവരെ ഇറങ്ങിയത്. അത് കൊണ്ട് തന്നെ ഇനിയുള്ള അടുത്ത സീസൺ വേണ്ടി കാത്തിരിപ്പാണ്. സീസൺ 3യ്ക്ക് ഉള്ള അസ്സൽ വെടിമരുന്ന് ഇട്ടാണ് ലാസ്റ്റ് എപ്പിസോഡ് അവസാനിക്കുന്നത്. കൂടാതെ ലിഫ്റ്റ് പിടിച്ചു എങ്ങോട്ടോ കേറിപോയ Cindy യേ പറ്റി ഒന്നും പറഞ്ഞും ഇല്ല. എന്തായാലും സീസൺ 3 യ്ക്ക് അമിത പ്രതീക്ഷ നൽകാതെ ഇരിക്കാൻ ആണ് ഇഷ്ടം. പക്ഷെ അത് പറ്റാത്ത അവസ്ഥയും.

Streaming On Prime Video !!

സിനിമ / സീരീസുകൾ ഡൌൺലോഡ് ചെയ്യുന്നതിനുള്ള ലിങ്ക് ടെലിഗ്രാം ചാനലിൽ ലഭ്യമാണ്.

89. Visaranai – Tamil (2015)

വെട്രിമാരൻ തിരക്കഥയെഴുതി സംവിധാനം ചെയ്ത 2015ലെ തമിഴ് ഭാഷ ക്രൈം ത്രില്ലർ ചിത്രമാണ് ‘Visaranai’. എം.ചന്ദ്രകുമാറിന്റെ ലോക്ക് അപ്പ് എന്ന നോവലിൽ നിന്നുള്ള യഥാർത്ഥ ജീവിത സംഭവങ്ങളെ അടിസ്ഥാനമാക്കിയാണ് കഥ. കുറ്റസമ്മതത്തിനായി പീഡിപ്പിക്കപ്പെടുന്ന ഒരു കാഫ്കെയ്സ് രംഗത്തേക്ക് വലിച്ചെറിയുന്നതിന് മുമ്പും ശേഷവുമുള്ള രണ്ട് മനുഷ്യരുടെ ജീവിതമാണ് ഈ സിനിമ കൈകാര്യം ചെയ്യുന്നത്. ‘Visaranai’ എന്നാൽ തമിഴിൽ‘ ചോദ്യം ചെയ്യൽ ’എന്നാണ്. നാല് തമിഴ് കുടിയേറ്റ തൊഴിലാളികൾ പ്രാദേശിക പോലീസിന്റെ ചോദ്യം ചെയ്യലിന്റെ പേരിൽ ക്രൂരമായ ആക്രമണത്തിലൂടെയും പീഡനത്തിലൂടെയും കടന്നുപോകുന്നു.. അവർ ഉന്നതമായ ഒരു കവർച്ചയിൽ തങ്ങളുടെ കുറ്റം സമ്മതിക്കാൻ നിർബന്ധിതരാകുന്നു. എന്നാൽ കോടതിയിൽ എത്തുബോൾ മറ്റൊരു കേസുമായി ബന്ധപ്പെട്ട് വന്ന ഒരു തമിഴ് പോലീസ് ഓഫീസർ അവരെ രക്ഷിക്കുകയും, എന്നാൽ അതെ പോലീസ് ഓഫീസർ തന്നെ അവരെ വീണ്ടും നിസ്സഹായ അവസ്ഥയിൽ അകപ്പെടുത്തുന്നു. അവർക്ക് എന്ത് സംഭവിക്കുന്നുവെന്ന് വെട്രിമാരൻ ഒരു മാസ്റ്റർഫുൾ തിരക്കഥയിലൂടെ പറയുന്നു.. !

സിനിമയിലെ പ്രകടനങ്ങൾ എല്ലാം മികച്ചത് എന്നുകൊണ്ട് തന്നെ പ്രതേകിച്ചു എടുത്ത് പറയുന്നില്ല.. പോരാത്തതിന് സംവിധായകൻ വെട്രിമാരൻ കൂടിയാകുമ്പോൾ പ്രകടനങ്ങൾ എല്ലാം ടോപ് നോച്ച് തന്നെയായിരിക്കും. ദിനേശ്, ആനന്ദി, ആടുക്കലം മുരുകദോസ്,സമുതിരക്കാനി, കിഷോർ, പ്രദീഷ് രാജ്, സിലാംബരസൺ രത്‌നസാമി എന്നിവരാണ് പ്രധാന വേഷങ്ങളിൽ. ഇതിൽ നായകനായി അഭിനയിച്ച ദിനേശിന്റെ പ്രകടനം സിനിമ കണ്ട് തീർന്നാലും നമ്മടെ മനസ്സിൽ കാണും. ടെക്നിക്കൽ സൈഡ് നോക്കുവാണേൽ.. അവരുടെ വേദന, പീഡനം, അപമാനം എന്നിവയുടെ ഓരോ നിമിഷവും ക്യാമറാമാൻ എസ് രാമലിംഗം നന്നായി പകർത്തിയിട്ടുണ്ട്, അതേസമയം ജി വി പ്രകാശിന്റെ വേട്ടയാടുന്ന പശ്ചാത്തല സ്‌കോർ അതിനെ കൂടുതൽ യഥാർത്ഥമാക്കുന്നു. നല്ല പ്രൊഡക്ഷൻ വാല്യൂയും സിനിമ സമാനിക്കുന്നുണ്ട്.

ചുരുക്കത്തിൽ, ഇന്ത്യൻ രാഷ്ട്രീയ വ്യവസ്ഥയുടെ കയ്പേറിയ യാഥാർത്ഥ്യം, രാഷ്ട്രീയക്കാർ, പോലീസ് ഭരണകൂടം, അവരുടെ സാമ്പത്തിക കുറ്റകൃത്യങ്ങളിൽ സഹായിക്കുന്നവരെ തമ്മിലുള്ള ബന്ധം എന്നിവ വ്യക്തമായി ചിത്രീകരിക്കുന്നു. അവരുടെ കഴിവുകേടും കുറ്റകൃത്യങ്ങളും മറച്ചുവെക്കാൻ ദരിദ്രരെ പോലീസ് എങ്ങനെ ക്രൂരമായി പീഡിപ്പിക്കുന്നുവെന്നത് നിഷ്കരുണം കാണിക്കുന്നു. ചോദ്യം ചെയ്യലിന്റെ മറവിൽ ഒരു പോലീസ് ലോക്കിന്റെ പൂട്ടിയിട്ടിരിക്കുന്ന വാതിലുകൾക്ക് പിന്നിൽ നടക്കുന്നതിന്റെ ക്രൂരമായ സത്യസന്ധമായ ചിത്രമാണിത്. അധികാരത്തിലിരിക്കുന്നവരുടെ ധാർഷ്ട്യവും നീതിന്യായ വ്യവസ്ഥയുടെ വലയിൽ അകപ്പെട്ടവരുടെ നിസ്സഹായതയും അചിന്തനീയമാണ്. മികച്ച സംവിധാനം, മികച്ച തിരക്കഥ, മികച്ച പ്രകടനങ്ങൾ എല്ലാം കൊണ്ടും നല്ലൊരു റിയലിസ്റ്റിക് സിനിമ അനുഭവം നൽകുന്നുണ്ട്.

Nb : ഒട്ടേറെ അവാർഡുകളും വാരികുട്ടിയ കഴിഞ്ഞ ദശകത്തിലെ വെട്രിമാരന്റെ തുലികയിൽ നിന്ന് പിറന്ന മികച്ചൊരു സിനിമ.. !!

⭐️⭐️⭐️⭐️⭐️

Download

88. 1917 – English (2019)

വടക്കന്‍ ഫ്രാന്‍സിലെ ‘പടിഞ്ഞാറന്‍ അതിര്‍ത്തിയില്‍’ ഒന്നാം ലോക മഹായുദ്ധത്തിന്റെ പശ്ചാത്തലത്തില്‍ നടക്കുന്ന ഏറെ നിര്‍ണ്ണായകമായ ഒരു സന്ദേശ കൈമാറ്റത്തെ അടിസ്ഥാനമാക്കി സാം മെന്‍ഡിസ് സംവിധാനം ചെയ്ത ചിത്രമാണ് ‘1917’. സിനിമയുടെ പേര് സൂചിപ്പിക്കുന്നത് പോലെ തന്നെ 1917 ഏപ്രില്‍ 6 നു നടക്കുന്ന സംഭവങ്ങളാണ് സിനിമയുടെ പ്രമേയം. സംവിധായകന്റെ മുത്തച്ഛന്‍ കൂടിയായ പ്രശസ്ത നോവലിസ്റ്റും ചെറുകഥാകൃത്തുമായ ആല്‍ഫ്രഡ് മെന്‍ഡസ് -ന്റെ ഒന്നാം ലോക മഹായുദ്ധകാലത്തെ അനുഭവങ്ങളുടെ ഓര്‍മ്മകളില്‍ നിന്നും, പറഞ്ഞു കേട്ട കഥകളില്‍ നിന്നുമാണ് സാം മെന്‍ഡിസ് ഈ സിനിമയുടെ കഥ എഴുതുന്നത്. 

‘1917’ ആകെ 2 ലോങ്ങ്‌ ഷോട്ടുകളിൽ ചിത്രീകരിച്ച സിനിമയാണ് എന്നാണ് പറഞ്ഞിരുന്നത്. Day ആൻഡ് Night ആയി 2 വലിയ ലോങ്ങ്‌ ഷോട്ടുകൾ..പക്ഷെ നമുക്ക് സിനിമ ഒരൊറ്റ ഷോട്ടിൽ തീർത്തതാണ് എന്ന് തോന്നും. അതാണ്‌ ടെക്നിക്കൽ ടീമിന്റെ വിജയവും. വാർ ഫിലിമുകളിൽ ഡിഫോൾട്ട് ആയി തന്നെ BGM കിടു ആയിരിക്കും. രണ്ടു പ്രധാന അഭിനേതാക്കളിൽ രണ്ടു പേരും തന്നെ മികച്ചു നിന്നു. ബ്ലെയ്ക്കായി വേഷമിട്ട ഡീന്‍-ചാള്‍സ് ചാപ്മാനും, സ്‌കോഫീല്‍ഡായി ജീവിച്ച ജോര്‍ജ് മാക്കെയും അവരുടെ കഥാപാത്രങ്ങളെ മികച്ചതാക്കി. മാക്കെയുടെ കണ്ണുകളില്‍ മാത്രം നോക്കി ഇരുന്നാല്‍ പോലും യുദ്ധത്തിന്റെ തീക്കനല്‍ എരിയുന്നത് കാണാം. അവരുടെ യാത്രകളിൽ അവിചാരിതമായി സംഭവിക്കുന്ന ചില കാര്യങ്ങൾ മാത്രം ആണ് നമ്മെ പിടിച്ചിരുത്തുന്നത്. പക്ഷെ ഇത് എല്ലായ്പോഴും സംഭവിക്കുന്ന ഒന്നല്ല, വളരെ സിംപിൾ ആയ നരേഷനിൽ കിടിലൻ ആർട്ട് വർക്കിൽ..യുദ്ധം നടന്ന സ്ഥലത്തെ ജഡങ്ങൾ, എലികൾ, ബങ്കറുകൾ തുടങ്ങി എല്ലാം തന്നെ ഡിസ്റ്റർബിങ് ആണ്, അതെല്ലാം സിംഗിൾ ടേക്ക് എന്ന് വിശ്വസിപ്പിക്കുന്ന വിധത്തിൽ സിനിമ നൽകിയ സാം മെന്‍ഡിസ് നിറഞ്ഞ കയ്യടി അർഹിക്കുന്നു.

റോജർ ഡീകിൻസ് ഇത്തവണ ഓസ്കറിൽ മുത്തമിട്ടാൽ അത്ഭുതമില്ല. ‘1917’ ഹൃദയത്തിനുള്ളില്‍ സ്പര്‍ശിക്കുന്ന സിനിമയായി മാറുന്നത് ഓരോ സിനിമയിലും അത്ഭുതങ്ങള്‍ സൃഷ്ടിക്കുന്ന റോജര്‍ ഡീകിന്‍സിന്റെ ഛായാഗ്രഹണ മികവ് കൊണ്ടാണ്. എന്ത് കൊണ്ടാണ് ലോകത്തെ എക്കാലത്തെയും മികച്ച ഛായാഗ്രാഹകരില്‍ ഒരാളായി ഡീകിന്‍സ് വാഴ്ത്തപ്പെടുന്നത് എന്ന് മനസിലാക്കണം എങ്കില്‍ ഈ സിനിമ കണ്ടാല്‍ മതിയാകും. സിനിമയെ ഏറെ സ്വകാര്യമാക്കി നിലനിര്‍ത്താനും ജീവന്‍ കൊടുക്കാനും സിംഗിള്‍ ഷോട്ട് ആഖ്യാനത്തിനു സാധിച്ചു എന്ന് നിസംശയം പറയാം. സിംഗിള്‍ ഷോട്ട് ആഖ്യാനത്തെ ഗംഭീരമാക്കുന്നതില്‍ എഡിറ്ററായ ലീ സ്മിത്തിന്റെ പങ്ക് ചെറുതല്ല. കാഴ്ചകളെ വിശ്വസനീയം ആകുന്നതില്‍ ഡെന്നിസ് ഗസ്സനെര്‍ എന്ന പ്രൊഡക്ഷന്‍ ഡിസൈനര്‍ക്കു തീര്‍ച്ചയായും അഭിനന്ദനങ്ങള്‍. കാരണം ഒരു കാലഘട്ടത്തെ പുനര്‍നിര്‍മ്മിക്കുക എന്നതിനും അപ്പുറത്തായി ഗസ്സനെര്‍ യുദ്ധകാലത്തെ അതേപോലെ തിരികെ കൊണ്ട് വരികയാണ്.

ചുരുക്കത്തിൽ, ലോകമഹായുദ്ധത്തിനും പല തലമുറകള്‍ ഇപ്പുറം ഈ സിനിമ കാണുമ്പോള്‍ കഴിഞ്ഞ കാലത്തിന്റെ ഭീകരതയെ കണ്‍മുന്നില്‍ കാണിച്ചു തരുകയാണ് സാം മെന്‍ഡിസ്. നമ്മെ കോരിത്തരിപ്പിക്കുന്ന, ത്രില്ലിംഗ് ആയി നീങ്ങുന്ന ഒരു സിനിമ എന്ന് പറയാനാകില്ല.. ഇമോഷണൽ ആയും ഹൈ അല്ല സിനിമ. പിന്നെ പലപ്പോഴായി ഉണ്ടാകുന്ന ലാഗിംഗ് സിനിമയുടെ ആസ്വാദനത്തെയും ബാധിക്കുന്നുണ്ട്. എന്തൊക്കെയാണേലും ഒരു യൂണിക്ക് എക്സ്പീരിയൻസ് സിനിമ പ്രേഷകർക് നൽകുന്നുണ്ട്.. സൗണ്ട് ഡിസൈൻ, പിന്നെ കിടിലൻ സിനിമാട്ടോഗ്രാഫി, നല്ല പ്രകടനം. അമേരിക്കന്‍ ബ്യൂട്ടി-യുടെ സംവിധായകന്‍ ഇനി 1917ന്റെ സംവിധായകന്‍ എന്നറിയപ്പെടും. അത്രത്തോളവും ആത്മാര്‍ത്ഥമായിട്ടാണ് സാം മെന്‍ഡിസ് ഈ സിനിമയെ സമീപിച്ചിരിക്കുന്നത്.

Nb : ഒരു തലമുറ കൈമാറി വന്ന ഓര്‍മ്മകള്‍ക്ക് ഇതിലും നല്ല ദൃശ്യാഖ്യാനം നൽകാൻ കഴിയില്ല.. !

⭐️⭐️⭐️⭐️

Download

87. Putham Pudhu Kaalai – Tamil (2020)

കോവിഡ് കാലത്തിനു ശേഷം സിനിമ ഷൂട്ടിങ് എല്ലാം വീണ്ടും ആരംഭിച്ചപ്പോൾ പല വെല്ലുവിളികളും നേരിടേണ്ടി വന്നിട്ടുണ്ട്. ലിമിറ്റഡ് ലൊക്കേഷനും മറ്റുമായി കോവിഡ് കാലം, ലോക്ക് ഡൌൺ എന്നിവ പ്രധാന തീമിൽ വരുന്ന 5 കഥകൾ വളരെ നന്നായി അണിയിച്ചൊരുക്കിയ അന്തലോജി ചിത്രമാണ് ‘Putham Pudhu Kaalai’. മണിരതനം പ്രൊഡക്ഷനിൽ ലോക്കഡോൺ പരിധികൾക്കുള്ളിൽ നിന്ന് കൊണ്ട് 5 സംവിധായകർ ഒന്നിച്ച സിനിമ. ക്വാളിറ്റി ഡയറക്ടർമാരും ഒപ്പം മികച്ച കാസ്റ്റ് & ക്രൂ കൂടിയായപ്പോൾ തമിഴ് സിനിമയിലെ തഴക്കേടില്ലാത്ത OTT റിലീസുകളിൽ ഒന്ന് തന്നെയായി. മൂന്ന് കഥകൾ കൊള്ളാം, ഒരു ആവറേജ്, ഒന്ന് മോശം ആയും ഫീൽ ചെയ്തു.

• ‘Ilamai Idho Idho’ – Sudha Kongara
രണ്ട് പേരുടെ റിലേഷൻഷിപ്പിനെ അടിസ്ഥാനമാക്കി ഇറക്കിയ സിനിമയിൽ കാസ്റ്റ് ചെയ്ത താരങ്ങൾക്ക് നല്ല സ്പേസ് കൊടുത്താണ് എടുത്തിരിക്കുന്നത്. ലളിതമായ കഥയെ സാഹചര്യത്തിനുസരിച് ക്യാരക്ടർ ചേഞ്ച്‌ ഇല്ലാതെ  അഭിനേതാക്കൾ നന്നായി അവതരിപ്പിച്ചിട്ടുണ്ട്. ഏറ്റവും സന്തോഷം തോന്നിയത് ജയറാമേട്ടന്റെ മികച്ച പ്രകടനം കണ്ടപ്പോളാണ്. ഒത്തിരി നാളുകൾക്ക് ശേഷം നമ്മടെ വിന്റജ് ജയറാമേട്ടനെ എവിടെയൊക്കെയോ കണ്ട പോലെ തോന്നി.

• ‘Avarum Naanum’ – Gautham Menon
അടുപ്പമില്ലാത്ത മുത്തച്ഛന്റെയും കൊച്ചുമകളുടെയും റിലേഷനിലൂടെ പോകുന്ന പടം. തുടക്കത്തിൽ നല്ല എൻഗേജിങ് ആയിരുന്നെകിലും ഇടയ്ക് ചെറുതായി കൈവിടുന്ന ഫീൽ ഉണ്ടായിരുന്നു. ഈ 5 കഥകളിൽ പ്രകടനം കൊണ്ട് ഏറ്റവും മുന്നിൽ നിൽക്കുന്ന കഥയെന്നു പറയാം, ഇമോഷണലി നല്ലതുപോലെ അറ്റാച്ച് ചെയ്പ്പിക്കുന്നുണ്ട്.

• ‘Coffe, Anyone ? ‘ – Suhasini Maniratnam
കുടുംബ ബദ്ധങ്ങളുടെ വിലയും അവരുടെ ഫാമിലിയെപ്പറ്റിയൊക്കെ പറയുന്ന ചെറിയൊരു സിനിമ. ഗംഭീരമൊന്നും അല്ലെങ്കിലും എല്ലാവരുടെയും പെർഫോമൻസ് കൊണ്ട് കണ്ടിരികാം.

• ‘Reunion’ – Rajiv Menon
കുട്ടത്തിൽ വലിയ പ്രതീക്ഷ ഇല്ലാത്ത പടമായിരുന്നു, എന്നാൽ അത്യാവശ്യം നല്ല രീതിയിൽ എൻഗേജ് ചെയ്‌പിച്ച പടം.

• ‘Miracle’ – Karthik Subbaraj
വളരെ ചുരുങ്ങിയ സമയം കൊണ്ട് അത്യാവശ്യം ചിരിപ്പിക്കുകയും, ത്രില്ലെടിപ്പിക്കുകയും ചെയ്ത പടം. എങ്കിൽ കൂടിയും സ്ഥിരം കാർത്തിക് സുബ്ബരാജ് ലെവൽ വന്നോയെന്ന് സംശയമാണ്.

എല്ലാ പടവും ഗംഭീര സിനിമകൾ ഒന്നുമല്ലെകിലും ലോക്ക്ഡൗൺ പരിമിതിക്ക് ഉള്ളിൽ നിന്ന് കൊണ്ട് മികച്ച രീതിയിൽ അവതരിപ്പിച്ചിട്ടുണ്ട്. ചുരുക്കത്തിൽ, സുധയുടെയും, ഗൗത്മിന്റെയും, കാർത്തിക്കിന്റെയും പടകളാണ് ഏറ്റവും ഇഷ്ട്ടപെട്ടത് ബാക്കി രണ്ടും ഒരു ആവറേജ് അനുഭവമായി തോന്നി. മുഴുവൻ സിനിമക്കും അതിന്റെ മ്യൂസിക്കും ബിജിഎം യും വഹിച്ച പങ്ക് ചെറുതൊന്നും അല്ല, പടം കണ്ടിരിക്കാൻ ഏറ്റവും അധികം സഹായിച്ചതും അതുതന്നെ.. !

Streaming On Prime Video !!

⭐⭐⭐

86. Halal Love Story – Malayalam (2020)

ഈ കൊറോണ കാലത്ത് സിനിമകൾ തീയേറ്ററിൽ റിലീസ് ചെയ്യാൻ പറ്റാത്ത സാഹചര്യത്തിൽ.. മലയാള സിനിമയിൽ നിന്നും ഏറ്റവും അധികം പ്രതീക്ഷയോടെ കാത്തിരുന്ന OTT റിലീസുകളിൽ ഒന്നാണ് ‘ഹലാൽ ലവ് സ്റ്റോറി’. സുഡാനി ഫ്രം നൈജീരിയക് ശേഷം സക്കരിയ മുഹമ്മദ് സംവിധാനം ചെയ്ത ചിത്രം ഇന്നലെ Amazon Prime Exclusive Release ആയി. സുഡാനി എന്ന ഒറ്റ ചിത്രം തന്നെ മതിയായിരുന്നു ഈ ചിത്രത്തിന് വേണ്ടി കാത്തിരിക്കാൻ അതിന്റെ കൂടെ സിനിമയുടെ കാസ്റ്റിംഗ് കൂടെ ആയപ്പോൾ പ്രതീക്ഷകൾ ഏറെയായി.

യഥാർത്ഥത്തിൽ സിനിമ സംസാരിക്കുന്നത് മലബാർ മേഖലകളിൽ കണ്ടുവരുന്ന പച്ചയായ സംഭവങ്ങളാണ്, കൂടുതലും കണ്ടുവരുന്നത് ഇസ്ലാം മതത്തിൽ വിശ്വസിക്കുന്ന കുടുംബങ്ങളിൽ തന്നെ. ഒരു ചെറിയ ഗ്രാമവും അവിടുത്തെ നാട്ടുമ്പുറത്തുകാരയുമൊക്കെ.. സംവിധായകൻ സിനിമയുടെ തുടക്കത്തിൽ തന്നെ പ്രേക്ഷകരിൽ എത്തിക്കുന്നുണ്ട്. അവിടെ ഉള്ള കുറച്ചു പേരു ചേർന്ന് ഒരു സിനിമ എടുക്കാൻ തീരുമാനിക്കുന്നു.. പിന്നിട് ഷൂട്ടിംഗ്നു ഇടയിൽ ഉണ്ടാകുന്ന ചെറുതും വലുതുമായ പ്രശ്നങ്ങളും, ഓരോ വ്യക്തിയുടെ ജീവിതത്തിൽ ഉണ്ടാകുന്ന പ്രശ്നങ്ങളും വളരെ റിയാലിസ്റ്റിക്കായി സംവിധായകാൻ ഒരുക്കിട്ടുണ്ട്.. !

തുടക്കത്തിൽ പറഞ്ഞത് പോലെ സിനിമയുടെ ഏറ്റവും വലിയ പ്ലസ് പോയിന്റ് കാസ്റ്റിംഗ് തന്നെയാണ് വന്നു പോകുന്ന എല്ലാവരും തന്നെ നല്ല ഇമ്പാക്ട് ഉണ്ടാകാൻ സാധിച്ചിട്ടുണ്ട്. നായികയായിയെത്തിയ ഗ്രേസ് ആന്റണിയുടെ പ്രകടനം എടുത്ത് പറയേണ്ടതാണ്, കുമ്പളങ്ങിയിലെ പ്രകടനത്തിലൂടെ ജനപ്രിതി പിടിച്ചു പറ്റിയ നടിയാണ് ഗ്രേസ്.. ഇനിയും മികച്ച അവസരങ്ങളും വേഷങ്ങളും കിട്ടട്ടെ. ഇന്ദ്രജിത്തിന്റെ ഭാവമാറ്റങ്ങൾ വരുന്ന രംഗമെല്ലാം സിനിമയുടെ മികച്ച രംഗങ്ങളിൽ ഒന്നാണ്. ഇവർക്ക് പുറമെ ഷറഫുദീൻ, ജോജു ജോർജ് പേരറിയാത്ത കുറെ അഭിനേതാക്കളും മികച്ച രീതിയിൽ കഥാപാത്രങ്ങളെ അവതരിപ്പിച്ചിട്ടുണ്ട്. ഗസ്റ്റ് റോളിൽ എത്തിയ സൗബിനും, പാർവതിയും ഒട്ടും മോശമാക്കിയില്ല. മനോഹരമായ ഗ്രാമത്തെയൊക്കെ നന്നായി ഒപ്പിയെടുത്തു DOP മികച്ചു നിന്നു. അതിനോട് യോജിച്ച പോകുന്ന മികച്ച ഗാനങ്ങളും ബിജിഎമ്മും ഒക്കെ ചിത്രത്തിന്റെ പോസിറ്റീവാണ്.

ചുരുക്കത്തിൽ, ലളിതമായ കഥയും പശ്ചാത്തലവും.. നാട്ടിൻപുറത്തെ നന്മയും അവരുടെ കൊച്ചു കൊച്ചു സ്വപ്നങ്ങളും അത് നേടിയെടുക്കാനുള്ള പരിമിതികളും തടസ്സങ്ങളും ഇതിനെല്ലാം ഉപരി അവർ തമ്മിലുള്ള സ്നേഹ ബന്ധത്തിന്റെ കഥ. നർമ്മ മുഹൂർത്തങൾ എല്ലാം തന്നെ പുതുമ ഉള്ളതായിരുന്നു. അനാവശ്യമായ രംഗങ്ങളോ കോമഡിക്കായി ചേർത്ത രംഗങ്ങളോ ഇല്ല. ഒരു പിടി നല്ല പ്രകടനങ്ങൾ, നല്ല പാട്ടുകൾ.. എടുത്ത് പറയാൻ നെഗറ്റീവ് ഒന്നും തന്നെയില്ല. എങ്കിലും പറയാൻ ഉദ്ദേശിച്ച കാര്യങ്ങൾ പൂർണമായി പറയാൻ സാധിച്ചില്ല എന്ന് തോന്നി. മൊത്തത്തിൽ സക്കരിയ എന്ന് സംവിധായകന്റെ ഒരു ഫീൽ ഗുഡ് സിനിമ❤️. !

Streaming On Prime Video !!

⭐⭐⭐⭐

85. Knives Out – English (2019)

ഒരു മിസ്റ്ററി ത്രില്ലർ… അതും Whodunnit ത്രില്ലർ… Whodunnit ന്റെ കൂടെ Howdunnit എന്നതും ഒരു ചോദ്യമാണ്.. ?

റിയാന്‍ ജോണ്‍സണ്‍ തിരക്കഥയെഴുതി സംവിധാനം ചെയ്ത 2019 ലെ അമേരിക്കന്‍ മിസ്റ്ററി ചിത്രമാണ് ‘Knives Out’. പ്രശസ്ത ക്രൈം നോവലിസ്റ്റ് ആയ ഹാർലെൻ ത്രോംബയുടെ എൺപത്തിയഞ്ചാം പിറന്നാളിനോട് അനുബന്ധിച്ച്, അദ്ദേഹത്തിന്റെ വീട്ടിൽ നടത്തുന്ന വലിയ ആഘോഷത്തിൽ, അദ്ദേഹത്തിന്റെ ബന്ധുക്കളും, സൃഹൃത്തുക്കളും പങ്കെടുക്കുന്നു. അടുത്ത ദിവസം ഹാർലിൻ മരണപ്പെടുന്നു അതൊരു ആത്മഹത്യയാണോ, അതോ കൊലപാതകമാണോ എന്ന് അന്വേഷിക്കാന്‍ ഡിറ്റക്ടീവ് ബെനോയിറ്റ് ബ്ലാങ്കിനെ ചുമതലപെടുത്തുന്നു. അദ്ദേഹം ബന്ധുക്കളെയും, സുഹൃത്തുക്കളെയും വിശദമായി ചോദ്യം ചെയ്യുന്നതും, തുടർന്നുള്ള കുറ്റാന്വേഷണവുമാണ് സിനിമയിൽ ഉള്ളത്.

സിനിമ തുടങ്ങി 5 മിനുട്ടിൽ തന്നെ ഒരു മർഡർ.. പിന്നെ ആദ്യപകുതിയിൽ തന്നെ എന്താണ് നടക്കുന്നത് എന്ന് നമുക്ക് മനസ്സിലാക്കി തന്നു അതിനുള്ള റിവീലേഷൻ ഒന്നിന് പിറകെ ഒന്നായി സ്മാർട്ട് ആയി വളരെ ബ്രില്യന്റ് ആയാണ് കൈകാര്യം ചെയ്യുന്നത്. ആരെയും സംശയിക്കാം..ഒരുപാട് ആലോചിക്കുന്ന പ്രേക്ഷകന് പോലും ഒരു വൗ ഫാക്ടർ നൽകാനുള്ളത് സിനിമയിലുണ്ട്. സിനിമയുടെ അറ്റ്മോസ്ഫിയർ, ആ മാൻഷൻ..അവിടുത്തെ ആമ്പിയൻസ് പഴയ കാലഘട്ടം എന്ന് തോന്നിപ്പിക്കുന്ന പശ്ചാത്തല സംഗീതം, കഥാപാത്രങ്ങളുടെ ഡ്രസ്സ്‌ ഡിസൈൻ, ഛായാഗ്രഹണം എല്ലാം തന്നെ മികച്ചു നിൽക്കുന്ന ഒരു സിനിമ.  

അക്കാദമി- എമ്മി അവാർഡുകൾ ഒക്കെ നേടിയിട്ടുള്ള അതുല്യ നടൻ ക്രിസ്റ്റഫര്‍ പ്ലമ്മറാണ് ഹാര്‍ലന്‍ ത്രോമ്പെ എന്ന കേന്ദ്ര കഥാപാത്രത്തെ അവതരിപ്പിച്ചിരിക്കുന്നത്. ബോണ്ട് ചിത്രങ്ങളിലൂടെ പ്രശസ്തനായ ഡാനിയല്‍ ക്രെയ്ഗ് ആണ് പ്രൈവറ്റ് ഡിറ്റക്ടീവായ ബ്ലാങ്ക് എന്ന കഥാപാത്രത്തെ അവതരിപ്പിക്കുന്നത്. സിനിമയിൽ ഏറ്റവും ഇഷ്ട്ടപെട്ട കഥാപാത്രവും അതുതന്നെയെന്ന് പറയാം… അദ്ദേഹത്തിന്റെ സ്ക്രീൻ പ്രെസെൻസും ആ ഡയലോഗ് ഡെലിവറിയുമൊക്കെ..ഒന്നും പറയാനില്ല. ക്യാപ്റ്റന്‍ അമേരിക്ക എന്നാ കഥാപാത്രത്തിലൂടെ പ്രശസ്തനായ ക്രിസ് ഇവാന്‍സ് മറ്റൊരു പ്രധാന കഥാപാത്രത്തെ അവതരിപ്പിക്കുന്നു. അന ഡി അര്‍മാസ്, ജാമി ലീ കര്‍ട്ടിസ്, മൈക്കല്‍ ഷാനന്‍, ഡോണ്‍ ജോണ്‍സണ്‍, ടോണി കൊളറ്റ്, ലേക്കിത്ത് സ്റ്റാന്‍ഫീല്‍ഡ്, കാതറിന്‍ ലാംഗ്ഫോര്‍ഡ്, ജെയ്ഡന്‍ മാര്‍ട്ടല്‍, ക്രിസ്റ്റഫര്‍ പ്ലമ്മര്‍ എന്നിവരാണ് ചിത്രത്തിലെ മറ്റ് പ്രധാനതാരങ്ങള്‍. മുഴുവൻ കഥാപാത്രങ്ങളും സിനിമയിൽ തങ്ങളുടെ ബെസ്റ്റ് എന്നു പറയാവുന്നതാണ് ചെയ്ത് വെച്ചിരിക്കുന്നത്.

ചുരുക്കത്തിൽ, ഹാർലന്റെ മരണത്തിന്റെ ചുരുളഴിക്കലാണ് ‘knives out’.. ഒരു ഇൻവെസ്റ്റിഗേഷൻ ത്രില്ലറിന് വേണ്ട എല്ലാ ചേരുവകളും ചേർത്ത് ഒരു ഡോനട്ട് ഹോളും ഇല്ലാതെ ഒരുക്കിയ കിടിലൻ ചിത്രം എന്ന് തന്നെ പറയാം. മികച്ച കാസ്റ്റ് കൊണ്ട് തന്നെ ശ്രദ്ധപിടിച്ചു പറ്റിയ ചിത്രം ആ കാസ്റ്റ് പോലെ തന്നെ കണ്ടവസാനിപ്പിക്കുമ്പോൾ പൂർണ്ണ സംതൃപ്‌തി നൽകുന്നുണ്ട്. ചുരുക്കം ചില സിനിമകൾ മാത്രമാണ് തുടക്കം മുതൽ അവസാനിക്കുന്നത് വരെ അനാവശ്യസീനുകൾ ഇല്ലാതെ, ഓരോ സീനും ഓരോ ഡയലോഗും പ്രധാനമാണ് എന്ന് തോന്നിപ്പിക്കുന്നത്, അതിനാൽ തന്നെ ഒട്ടും ബോറടിക്കാതെ നമ്മെ പിടിച്ചിരുത്തുന്ന സിനിമ അനുഭവം. മൊത്തത്തിൽ, കുറ്റാന്വേഷണ ചിത്രങ്ങൾ ഇഷ്ടമുള്ളവർക്ക് തീർച്ചയായും നല്ലൊരു സിനിമാനുഭവമായിരിക്കും ‘Knives Out’.

Nb : മികച്ച തിരകഥക്കുള്ള ഓസ്കാര്‍ നോമിനേഷനടക്കം
ഒരുപാട് നോമിനേഷനകളും മറ്റനവധി പുരസ്കാരങ്ങളും നൈവ്സ് ഔട്ട്‌ നേടിയിട്ടുണ്ട്.

Verdict : Must Watch !!

⭐⭐⭐⭐

Download

84. Mirzapur – Season 1 (2018)

വാക്കുകളേക്കാൾ കൂടുതൽ ആളുകൾ തോക്കുകളുമായി സംസാരിക്കുന്ന നഗരമാണ് ‘മിർസാപൂർ’. അവിടെ അഖണ്ഡ ത്രിപാഠി അല്ലെങ്കിൽ കലീൻ ഭയ്യ ആണ് ‘ഡോൺ’ വേണമെകിൽ മിർസാപൂരിലെ ബാഹുബലി എന്ന് പറയാം. ഹോംസ്പൺ തോക്കുകളും മയക്കുമരുന്നുകളും കൈകാര്യം ചെയ്യുന്ന കലീൻ ഭയ്യ തന്റെ ജനതയുടെ ഗോഡ്ഫാദറാണ്.

No Of Seasons : 1

No Of Episodes : 9

ഒക്ടോബർ 23ന് റിലീസ് ആകുന്ന Mirzapur Season 2 ന് വേണ്ടി ഒരുപാട് ഫാൻസ്‌ കാത്തിരിക്കുന്നു എന്നറിയാം. 2018 ഇൽ Amazon Originals ആയി റിലീസ് ആയ ഈ വെബ് സീരീസ് അനുരാഗ് കശ്യപ് സിനിമയുടെ ഫോർമാറ്റിൽ വയലൻസും ഡ്രഗ് യൂസും ചോരക്കളിയും ഒക്കെയായി ഒരു ക്രൈം ഡ്രാമയാണ് പറയുന്നത്. Inside Edge, Breathe എന്നിവയ്ക്ക് ശേഷം വളരെ സക്സസ്ഫുൾ ആയ ഒരു റൺ ആയിരുന്നു ഈ സീരീസ് കാഴ്ച വെച്ചത്. തുടക്കത്തിൽ ഒരു സമ്മിശ്രപ്രതികരണം ആയിരുന്നു എങ്കിലും ഇപ്പോൾ സ്വന്തമായി ഒരു ഫാൻബേസ് Mirzapur ന് ഉണ്ട്.

ഉത്തർപ്രദേശിലെ മിർസാപ്പൂർ ജില്ല ഭരിക്കുന്നത് ത്രിപാഠി ഫാമിലിയാണ്. തോക്കും കഞ്ചാവും ഹെറോയിനും പൂണ്ട് വിളയാടുന്ന ആ നാട്ടിൽ അതൊക്കെ സപ്ലെ ചെയ്യുന്നത് ത്രിപാഠി കുടുംബം തന്നെയാണ്. പോലീസും രാഷ്ട്രീയക്കാരും ഒക്കെ ഇവരുടെ നോക്കുകുത്തികളും ശുപ്പാണ്ടികളും ആണ്. അത് കൊണ്ട് തന്നെ ത്രിപാഠി കുടുംബങ്ങൾക്ക് ഏത് നേരത്തും എന്തും ചെയ്യാം…അഖണ്ഡ ത്രിപാഠിയും അയാളുടെ മകനായ മുന്നയും ചേർന്നാണ് ഇപ്പോൾ അവിടെ വാഴുന്നത്. ആ ഇടയ്ക്ക് ഉണ്ടാവുന്ന ഒരു പ്രശ്നത്തെ തുടർന്ന് മുന്ന അവിടുള്ള അഡ്വക്കേറ്റിനോട് ഉണ്ടാവുന്ന പ്രശ്‌നത്തിൽ അയാളുടെ രണ്ട് മക്കളായ ഗുഡു, ബബ്ലു എന്നിവർ മുന്നയ്ക്ക് എതിരെ നീങ്ങുന്നതിൽ തുടങ്ങുന്ന പ്രശ്നങ്ങളിൽ നിന്ന് UPയിലെ രാഷ്ട്രിയവും കള്ളകടത്തും തോക്ക് വ്യാപാരവും ഒക്കെ പിന്നെ ചുണ്ടികാട്ടുന്നുണ്ട്.

ചുരുക്കത്തിൽ, സീറ്റ് സ്റ്റോറി-ടെല്ലിംഗിന്റെയും അതിലെ അഭിനേതാക്കളുടെ അതിശയകരമായ പ്രകടനങ്ങളുടെയും ഇതുവരെ നടത്തിയ ഏറ്റവും മികച്ച ക്രൈം സീരീസായി വേറിട്ടുനിൽക്കുന്ന വെബ് സീരീസാണ് മിർസാപൂർ കൂടാതെ രാഷ്‌ട്രീയ ലോകവും നിയമപാലകരും മധ്യവർഗ ഇന്ത്യയും തമ്മിൽ കൂടിച്ചേരുന്ന ഹിന്ദി ഹൃദയമിടിപ്പിന്റെ ഒരു കഥ മിർസാപൂർ പറയുന്നു. അഭിനേതാക്കൾ ഒക്കെ ഒന്നിനൊന്ന് മെച്ചമാണ് അത് കൊണ്ട് തന്നെ ഓരോ ആളെ പറ്റി പറയാൻ നിൽക്കുന്നില്ല. അത് പോലെ തന്നെ ടെക്നിക്കൽ സൈഡും. ഒരൊറ്റ സെക്കൻഡ് പോലും ബോറിങ് ആകാതെ കഥ പറയാൻ കഴിഞ്ഞിട്ടുണ്ട്. സീസൺ 1ന്റെ ലാസ്റ്റ് എപ്പിസോഡിന്റെ എൻഡിങ് മാത്രം മതിയാകും 23 വരെ കാത്തിരിക്കാൻ കൂടാതെ ട്രൈലെർ യൊക്കെ നല്ല പ്രതീക്ഷ തരുന്നുണ്ട്.. !

Nb : വളരെ ഡാർക്ക് ആയി കഥപറയുന്ന സീരീസിൽ ഒരുപറ്റം വയലൻസ് സീൻ ഉണ്ട് ..അത് കൊണ്ട് തന്നെ അത്തരം രംഗങ്ങൾ ഉൾകൊള്ളാൻ കഴിയാത്തവർ ഇതിൽ നിന്ന് മാറിനിൽക്കുക !!

സിനിമ / സീരിസുകൾ ഡൌൺലോഡ് ചെയ്യുന്നതിനുള്ള ലിങ്ക് ടെലിഗ്രാം ചാനലിൽ ലഭ്യമാണ്.

83. Ka Pae Ranasingam – Tamil (2020)

സീപ്ലെക്‌സിൽ ഡിടിഎച്ച് മോഡൽ വഴി പുറത്തിറങ്ങുന്ന ആദ്യത്തെ തമിഴ് ചിത്രമാണ് ‘Ka Pae Ranasingam’. യഥാർത്ഥ സംഭവങ്ങളിൽ നിന്ന് പ്രചോദനം ഉൾകൊണ്ടാണ് കഥ ഇത്രയും ശക്തമായ സ്വാധീനം ചെലുത്തുന്നത്. ഒരു സിസ്റ്റത്തിനെതിരെ നിലകൊള്ളുന്ന സ്ത്രീയുടെ നല്ല ഉദ്ദേശ്യത്തോടെയുള്ള കഥയാണ് അതോടൊപ്പം സിനിമ കൈകാര്യം ചെയ്യുന്നത് ശക്തമായ രാഷ്ട്രീയം തന്നെയാണ്.!

രാമനാഥപുരത്തെ ഒരു ചെറിയ ഗ്രാമത്തിലാണ് കഥ നടക്കുന്നത്. പ്രാദേശിക പ്രവർത്തകനായ രണസിംഗത്തെ വിവാഹം കഴിച്ച അരിയനാച്ചി എന്ന കഥാപാത്രത്തെയാണ് ഐശ്വര്യ അവതരിപ്പിക്കുന്നത്. അദ്ദേഹത്തിന്റെ ഗ്രാമവാസികളാണ് ഈ വാക്ക് ആരാധിക്കുന്നത്. ഫ്ലാഷ്ബാക്ക് സീക്വൻസുകളിൽ ഒരു ആക്ടിവിസ്റ്റ് എന്ന നിലയിൽ രണസിംഗത്തിന്റെ ജീവിതത്തിന്റെ നേർക്കാഴ്ചകൾ ഞങ്ങൾ കാണുന്നു. യുഎഇയിലെ ഒരു പ്രാദേശിക കലാപത്തിൽ കൊല്ലപ്പെട്ടതായി രണസിംഗത്തിന്റെ കുടുംബത്തെ അറിയിക്കുകയും വാർത്തകൾ അരിയനാച്ചിയെ പൂർണമായും നാശത്തിലാക്കുകയും ചെയ്യുന്നതുവരെ എല്ലാം ശരിയാണ്. മൃതദേഹം സ്വീകരിക്കുന്നതിനുള്ള അവകാശം കുടുംബത്തിന് നിഷേധിക്കപ്പെടുകയും പ്രക്രിയ അനാവശ്യമായി വൈകുകയും ചെയ്യുമ്പോൾ, അരിയനാച്ചി തന്റെ ഭർത്താവിന്റെ മൃതദേഹം തിരികെ കൊണ്ടുവരുന്നതിനായി പോരാടാൻ തയാറാകുന്നു… ആ പോരാട്ടത്തിൽ വിജയിക്കുകയോ ഇല്ലയോ എന്ന കണ്ട് തന്നെ അറിയുക.

മാതാപിതാക്കളേക്കാളും കുടുംബത്തേക്കാളും മുൻ‌ഗണനയായി ഗ്രാമവും അവിടുത്തെ ആളുകളുമുള്ള വ്യക്തിയാണ് രണസിംഗം… രണസിംഗമായി വിജയ് സേതുപതിയുടെ കാമിയോ റോൾ പ്രകടനം മറ്റ് സിനിമകളിൽ എന്നപോലെ തന്റെ സ്വാഭാവിക പ്രകടനം കൊണ്ട് മികച്ചതാക്കി. സിനിമയിലെ തരാം അത് ഐശ്വര്യ രാജേഷ് തന്നെയാണ്, ‘കാണാ’ എന്ന പടത്തിന് ശേഷം വീണ്ടും സ്ത്രീ കേധ്രികൃതമായ കഥാപാത്രത്തിൽ മികച്ച അഭിനയം.

‘Ka Pae Ranasingam’ന്റെ ഹൃദയഭാഗത്ത് ഏറെക്കുറെ ധർമ്മപരമായ ഒരു ചോദ്യമുണ്ട്, അതിലേറെ നമ്മൾ ചിന്തിക്കേടത്തും : മറ്റ് ആളുകളോട്, പ്രത്യേകിച്ച് കടുത്ത ആവശ്യമുള്ളവരോടുള്ള നമ്മുടെ കടമ എന്താണ്? ഒരു വഴിയിൽ, ഈ സർക്കാർ ഉദ്യോഗസ്ഥൻ തന്റെ ജോലി കൃത്യമായി ചെയ്യാൻ സർക്കാർ നിർദ്ദേശിച്ചതുപോലെ ചെയ്തു. എന്നാൽ ഒരു മനുഷ്യനെന്ന നിലയിൽ അവൻ തന്റെ ജോലി ചെയ്തുവോ? അയാൾക്ക് അധിക ദൂരം പോയി ഈ സ്ത്രീയെ എങ്ങനെ സഹായിക്കാനാകുമെന്ന് കാണാൻ കഴിയുമായിരുന്നില്ലേ? കാരണം, നമ്മിൽ ഓരോരുത്തരും നമ്മിൽ നിന്ന് ആവശ്യപ്പെടുന്ന കാര്യങ്ങളെക്കുറിച്ച് മാത്രം ചിന്തിക്കുകയും നിയമങ്ങളും ചട്ടങ്ങളും പാലിക്കുകയും ഭയപ്പെടുകയും.. ശരിയായി – നമുക്ക് മുകളിലുള്ളവർ ശിക്ഷിക്കപ്പെടുമെന്ന് ഭയപ്പെടുകയും ചെയ്യുന്നുവെങ്കിൽ ഞങ്ങൾ ഞങ്ങളുടെ പരിധികൾ മറികടക്കുന്നു, പിന്നെ ആരുടേയും പരിധിയിൽ വരാത്ത ഒരു മനുഷ്യന്റെ നാട്ടിൽ വീഴുന്ന ആളുകളെ ഞങ്ങൾ എങ്ങനെ സഹായിക്കും? വ്യത്യസ്തമായി പറഞ്ഞാൽ, “ഇത് എന്റെ പ്രശ്‌നമല്ല” എന്ന് നാമെല്ലാവരും പറഞ്ഞാൽ, ഞങ്ങൾ എങ്ങനെ പരിഹാരങ്ങൾ കണ്ടെത്തും.. ?

ചുരുക്കത്തിൽ, കണ്ട് മറന്ന് കഥയാണെകിലും അവതരണ ശൈലി കൊണ്ടും പ്രകടനംകൊണ്ടും തമിഴ് ഇൻഡസ്ട്രിയിൽ നിന്ന് ഈ അടുത്ത് OTT റിലീസ് ആയതിൽ ഏറ്റവും മികച്ചത് എന്ന പറയാം. സിനിമയുടെ ടൈം ദുറേഷൻ ഒരു കലുകടിയായി തോന്നിയെകം.. പക്ഷെ ഒട്ടും ബോറടിക്കാതെ തന്നെ 3മണിക്കൂർ ഉള്ള പടം സംവിധായകൻ പറയാൻ വന്ന രാഷ്ട്രീയം നീറ്റ് ആൻഡ് ക്രിസ്പ് ആയി പ്രേക്ഷകരിൽ എത്തിച്ചത് കൊണ്ടുതന്നെ എന്നും ഓർത്തിരിക്കാൻ പറ്റുന്ന ഒരു സിനിമ. സിനിമയുടെ പവർഫുൾ ക്ലൈമാക്സ്‌ തന്നെയാണ് പടത്തിന് നല്ലൊരു വിജയം നൽകിയത്. ഓവർ മെലോഡ്രാമയും നീളകൂടുതലും കാരണം ഒരു ആവറേജ് അനുഭവം ആയി ഒതുങ്ങുന്നു.

Verdict – Must Watch !!

⭐️⭐️⭐️⭐️

സിനിമ / സീരിസുകൾ ഡൌൺലോഡ് ചെയ്യുന്നതിനുള്ള ലിങ്ക് ടെലിഗ്രാം ചാനലിൽ ലഭ്യമാണ്.

82. Nani’s Gang Leader – Telugu (2019)

Revengers Assemble !!

വിക്രം കുമാർ സംവിധാനം ചെയ്ത 2019ലെ തെലുങ്ക് ഭാഷ ആക്ഷൻ കോമഡി ചിത്രമാണ് ‘Nani’s Gang Leader’. ബാങ്കിൽ നിന്ന് 300കോടി കൊള്ളയടിച്ചതിന് ശേഷം കൂടെ ഉണ്ടായിരുന്ന 5 പേരെയും കൊന്ന് പണവുമായി രക്ഷപെട്ട ആളെ കണ്ടെത്തി പ്രതികാരം ചെയ്യാൻ, മരിച്ചവരുടെ ബന്ധുക്കളായ ഒരു മുത്തശ്ശി, ഒരു സ്ത്രീ, 2 പെൺകുട്ടികൾ, ഒരു ചെറിയ പെൺകുട്ടി ഇവർ 5 പേരും ചേർന്ന് ഇറങ്ങി തിരിക്കുന്നു. അതിന് സഹായി എന്നോളം പ്രതികാര പ്രമേയവും കുറ്റകൃത്യവുമുള്ള നോവലുകൾ എഴുതുന്നതിൽ വൈദഗ്ദ്ധ്യം നേടിയ എഴുത്തുകാരനായ പെൻസിൽ പർത്ഥസാരതിയെ കൂട്ട് പിടിക്കുന്നു.. ഇതാണ് സ്റ്റോറി ലൈൻ. ഈ സ്ത്രീകൾക്ക് പ്രതികാരം ചെയ്യാനുള്ള ഒരു യഥാർത്ഥ ആശയം അദ്ദേഹം എങ്ങനെ സ്ക്രിപ്റ്റ് ചെയ്യും..? ബാക്കി ഇൻവെസ്റ്റിഗേഷൻ കണ്ട് തന്നെ അറിയുക.

സിനിമയുടെ ഏറ്റവും വലിയ പ്ലസ് പോയിന്റായി തോന്നിയത് മികച്ച പ്രകടനങ്ങൾ തന്നെയാണ്. നാനി തന്റെ സ്ഥിരം ശൈലിയിൽ കുറച്ചു ഉഡായിപ്പുകളും, കുരുട്ടുബുദ്ധിയുമൊക്കെ ആയി പെൻസിൽ പർത്ഥസാരതിയെ വളരെ നല്ല നർമത്തോടെ അവതരിപ്പിച്ചു. ബാക്കി പ്രധാനമായി വരുന്ന 5പേരും നല്ല പ്രകടനങ്ങൾ കാഴ്ചവെച്ചു. വില്ലൻ കഥാപാത്രം തന്നെയാണ് സിനിമയിൽ ഒരു ഇമ്പാക്ട് ഉണ്ടാകാതെ പോയത്. ടെക്നിക്കൽ സൈഡ് നോക്കുവാണേൽ വിക്രം കുമാറിന്റെ മുമ്പത്തെ സിനിമകളിലെന്നപോലെ, നാനിയുടെ ഗാംഗ് ലീഡറിനും മികച്ച ഛായാഗ്രഹണവും മികച്ച സാങ്കേതിക മൂല്യങ്ങളുമുണ്ട്. അനിരുദ്ധ് രവിചന്ദറിന്റെ സംഗീതവും, ബിജിഎം എല്ലാം തന്നെ സിനിമയെ നല്ലതുപോലെ സഹായിച്ചിട്ടുണ്ട്. പ്രൊഡക്ഷൻ വാല്യൂ നല്ലതായിരുന്നത് കൊണ്ട് തന്നെ സിനിമ കണ്ട് ഇരിക്കാൻ സഹായിച്ചു.

ചുരുക്കത്തിൽ, ഒരു കംപ്ലീറ്റ് പാക്ഡ് മൂവി..റൊമാൻസ്, കോമഡി, ക്രൈം, ത്രില്ലർ, റിവഞ്ച് എല്ലാം ഒരു കുടക്കീഴിൽ സംവിധായകൻ ചെയ്ത് വെച്ചിട്ടുണ്ട്. പക്ഷെ ഇതൊക്കെ എത്രത്തോളം ഇമ്പാക്ട് ഉണ്ടാകാൻ സാധിച്ചു എന്നത് സംശയമാണ് കാരണം സിനിമയുടെ തുടക്കത്തിൽ ഉള്ള ത്രില്ലും, സ്റ്റോറിലൈനുമൊക്കെ പിന്നിട് എൻഗേജ് ചെയ്യാതെ പോയിയെന്ന തോന്നി, കൂടാതെ ക്ലൈമാക്സ്‌ ചിലർക്കേലും ഒരു കലുകടിയായി തോന്നിയെകാം. ഇതൊക്കെ ഒന്ന് മാറ്റി നിർത്തിയാൽ ഒരു രണ്ട് രണ്ടര മണിക്കൂർ നല്ലതുപോലെ ആസ്വദിച്ച് ഒട്ടും ബോറടിക്കാതെ കാണാൻ പറ്റിയ നല്ലൊരു ആക്ഷൻ കോമഡി റിവഞ്ച് ചിത്രമാണിത്. മൊത്തത്തിൽ ഒരു പ്രതികാര കഥ ഹാസ്യപരമായി പരീക്ഷിച്ചുനോക്കിയതാണ്, അതിൽ ഒരു പരുതിവരെ സംവിധായകൻ വിജയിച്ചു.. !

⭐️⭐️⭐️⭐️

Download